Ma znate ca judi! Cagod je covik stariji sve mu brze pasivaju godisca. Dani letu kako saite paklene,miseci se sceto presaju za njiman,a godine,a godine gredu kako da ih tira nika vela prisa.Bogara mi moga,ako ovako nastavi,unda cemo svi mladi ostarit.Pren si dite na cici,a sutra si vec ded ki se vise driciva spaheru-va teplo.Za jedan primjer,kad malo serviram ovi mladi judi,pari mi sa da i oni brzo staru. To ca ostavljaju brci i bradine,ala neka im bude,boj ako cemo pravo ni to bas ni grubo za vit. Ma,pari mi se,varamente,da te brade i mustaci brzo capivaju kukod ku suru dlacicu. Mlad covik,a napol posuril. Pu vraze va goru,ma kako to more bit!? E,a to jos ni nis. Kada mu vidis tintaru onda se ben zamislis. Svako drugi napol celav! Pari ti se da je to covik ki ima najmanje 40-50 godisci va guzici,a un nima njanci 25. Bogara mi,bas kako to zrije brzje nego prije,unda valja brzje i gre ca! Prije se sundra. Ma,bas me interesira kako tin mladin judiman stoji stvar z onun nesricom mednoge! A,bit ce da i ta nesrica brzo zrije,pa se unda zdespera i brzo znemoca. Ne pacam se boj ne bi otil falit,ali meni se pari da je to kod nas za mlada vrimena dosta duralo i moglo se puno godin duperat.Nebi se util ni puno falit,ma ja i dan-danas cutin da taj moj sempjo jos ima kuraja. Varamente,ne bas svaki dan ma-dogodi se kadakod.Ostija i to coviku daje kuraja i force! E,ali svaki alat triba i duperat. Boj,ako se zapusti unda ce brzo poc kvragu i pojist ce ga rdjina.
